Adóm Hebel - Wiérztë

Jedna z mòdlëtwów
Panie, jô bë Wami chcôł dzãkòwac
Za to co jô móm
(tu je za co wdzãczny bëc)
Le jô bë chcôł miec òrãdz
Cobë rzec dzãka
Za to kògùm jem

* * *

„Tak wëszło”
Jô chcôł rzec...
Nick nie wëszło
jô ùpôdł

czejbë nié të
tej jô bë nie darwôł
mea culpa wëznac

* * *

Jô jesz ce zabéł sã spëtac
jaczi je twój jidejał
nié, cobë zmienic sã
le bë ùdokaznic
że lepszi jem

„(cobë ta nie mësla że sã tim nie jiscã)”
chcã to przeżëc
że mie môsz òstawioné
bò të ni môsz na mie zasłużoné
chcã to przeżëc

bò kòżdi wié
że blós le tej
tu przińdze „mùza”
a z ni dô dëtk